IND vs PAK: 2026 టీ20 వరల్డ్ కప్లో వివాదం
2026 టీ20 ప్రపంచకప్లో భారత్ – పాకిస్తాన్ మధ్య జరిగే హై వోల్టేజ్ మ్యాచ్ చుట్టూ పెద్ద వివాదం నెలకొంది. ఈ మ్యాచ్కు సంబంధించిన ఏర్పాట్ల విషయంలో పాకిస్తాన్ క్రికెట్ బోర్డు (PCB) కొన్ని కీలక డిమాండ్లు పెట్టినట్లు సమాచారం. అయితే వాటిలో ప్రధానమైన డిమాండ్లను అంతర్జాతీయ క్రికెట్ కౌన్సిల్ (ICC) తిరస్కరించినట్లు క్రికెట్ వర్గాల్లో చర్చ సాగుతోంది.
PCB అసంతృప్తి.. ప్రభుత్వానికి చేరిన అంశం
ICC నిర్ణయంతో అసంతృప్తికి గురైన PCB, ఈ అంశాన్ని పాకిస్తాన్ ప్రభుత్వ స్థాయికి తీసుకెళ్లినట్లు తెలుస్తోంది. భారత్తో మ్యాచ్ ఆడాలా? లేక బహిష్కరించాలా? అనే అంశంపై తుది నిర్ణయం ప్రభుత్వమే తీసుకునే అవకాశం ఉందని పాకిస్తాన్ మీడియా కథనాలు పేర్కొంటున్నాయి.
లాహోర్ సమావేశంలో కీలక చర్చలు
లాహోర్లో జరిగిన సమావేశంలో అంతర్జాతీయ క్రికెట్ కౌన్సిల్ (ICC), పాకిస్థాన్ క్రికెట్ బోర్డు (PCB), బంగ్లాదేశ్ క్రికెట్ బోర్డు (BCB) ప్రతినిధులు ఈ అంశంపై చర్చించారు. ఈ సందర్భంగా PCB తన వైఖరిని పునఃపరిశీలించాలని ఐసీసీ సూచించినట్లు తెలుస్తోంది.
సంజూ శాంసన్ ఫామ్ ఆందోళన: మూడు మ్యాచ్లలో 16 రన్స్ మాత్రమే
ఈ నేపథ్యంలో PCB చైర్మన్ మొహ్సిన్ నఖ్వీ, పాకిస్తాన్ ప్రధాన మంత్రి షాబాజ్ షరీఫ్తో సమావేశమై తుది నిర్ణయం తీసుకునే అవకాశముంది. ఈ వివాదానికి ప్రధాన కారణం పాకిస్తాన్, బంగ్లాదేశ్ బోర్డులు చేసిన కొన్ని ప్రతిపాదనలేనని సమాచారం.
మేము పాకిస్థాన్ చేతిలో ఓడిపోలేదు” – నెదర్లాండ్స్ ప్లేయర్ షాకింగ్ కామెంట్స్
ద్వైపాక్షిక సిరీస్లు, ట్రై-సిరీస్ ప్రతిపాదనలు
భారత్తో ద్వైపాక్షిక సిరీస్లను తిరిగి ప్రారంభించాలన్న ప్రతిపాదనతో పాటు, భారత్–పాకిస్తాన్–బంగ్లాదేశ్ మధ్య ట్రై-సిరీస్ నిర్వహించాలని పాకిస్తాన్ క్రికెట్ బోర్డు (PCB), బంగ్లాదేశ్ క్రికెట్ బోర్డు (BCB) కలిసి ఐసీసీకి సూచించినట్లు సమాచారం. ఈ ప్రతిపాదనల ద్వారా ఆసియా క్రికెట్లో మళ్లీ హై వోల్టేజ్ మ్యాచ్లకు దారి తీయాలన్నదే వారి లక్ష్యంగా తెలుస్తోంది.
ICC స్పష్టీకరణ.. జోక్యం లేదని క్లారిటీ
అయితే ఈ కీలక ప్రతిపాదనలను అంతర్జాతీయ క్రికెట్ కౌన్సిల్ (ICC) అంగీకరించలేదని క్రికెట్ వర్గాల్లో ప్రచారం జరుగుతోంది. ముఖ్యంగా ద్వైపాక్షిక సిరీస్ల విషయంలో నిర్ణయం తీసుకునే అధికారం పూర్తిగా సంబంధిత దేశాల క్రికెట్ బోర్డులు, అలాగే ఆయా దేశాల ప్రభుత్వాలకే ఉంటుందని ఐసీసీ స్పష్టం చేసినట్లు సమాచారం. ఈ విషయంలో ఐసీసీ జోక్యం చేసుకునే అవకాశం లేదని కూడా పేర్కొన్నట్లు తెలుస్తోంది.
ప్రపంచ క్రికెట్లో హాట్ టాపిక్
మరోవైపు, భారత్ – పాకిస్తాన్ మ్యాచ్ అంటేనే కోట్లాది మంది అభిమానుల దృష్టి ఉండటంతో, ఈ వివాదం ప్రపంచ క్రికెట్లో హాట్ టాపిక్గా మారింది. తుది నిర్ణయం ఏంటి? ఈ మ్యాచ్ జరుగుతుందా లేదా? అన్నదానిపై ఇంకా స్పష్టత రావాల్సి ఉంది.