డైరెక్టర్ Ram Gopal Varma గతంలో ఇచ్చిన ఇంటర్వ్యూలో చేసిన వ్యాఖ్యలు మళ్లీ వైరల్గా మారుతున్నాయి. ఆయన శంకరాభరణం చిత్రాన్ని భారతీయ సంప్రదాయం, శాస్త్రీయ సంగీతానికి వెలుగులు తీసుకువచ్చిన అమూల్య నమూనాగా పేర్కొన్నారు. వర్మ అభిప్రాయం ప్రకారం, ఈ చిత్రం మన సంగీత సంపద, భక్తి, సౌందర్యాన్ని అత్యద్భుతంగా ప్రదర్శిస్తుంది. పాశ్చాత్య సంగీత ప్రభావానికి విరుద్ధంగా, భారతీయ సంగీత ఔన్నత్యాన్ని నిలుపుతూ, ప్రేక్షకులకు నెమ్మదిగా అర్థం అయ్యే రీతిలో అందించింది. అంతేకాదు ఈ చిత్రం తన సినీ కెరీర్పై గొప్ప ప్రభావం చూపిందని వర్మ తెలిపారు.
ఆ చిత్రం వచ్చిన సమయంలో "వేటగాడు," "అడవి రాముడు" వంటి యాక్షన్ చిత్రాలు ప్రాచుర్యంలో ఉన్నప్పటికీ, శంకరాభరణం సంప్రదాయ సంగీతం, వస్త్రధారణ, విలువలకు ప్రాధాన్యతనిచ్చి గొప్ప విజయం సాధించిందని వర్మ గుర్తుచేసుకున్నారు.
"శంకరశాస్త్రి లుక్ గానీ మంజు భార్గవి లుక్ కానీ ఇట్ ఈజ్ యాట్ దట్ వాజ్ లైక్ ఏ స్టన్నర్ ఫర్ ఎవ్రీ వన్," అని ఆయన అన్నారు. అంతేకాదు కాలేజీ రోజుల్లో తాము ఆ సినిమాను ఎగబడి చూశామని, అది ఒక క్లాసిక్ ఎగ్జాంపుల్ ఆఫ్ ట్రెడిషన్ అని పేర్కొన్నారు. ఈ చిత్రం పాశ్చాత్య సంగీతపు ప్రభావానికి వ్యతిరేకంగా మన భారతీయ సంగీతం ఏ మాత్రం తక్కువ కాదని నిరూపించింది. పాశ్చాత్య సంగీతానికి అలవాటుపడి, తమ స్వంత సంగీతాన్ని విస్మరించిన ప్రేక్షకులను లక్ష్యంగా చేసుకుని, శంకరాభరణం రివర్స్ లాజిక్లో భారతీయ సంగీత గొప్పతనాన్ని విజయవంతంగా రుజువు చేసిందని వర్మ తెలిపారు.