డైట్లో ఉన్నవారికి బెస్ట్ బ్రేక్ఫాస్ట్గా అటుకుల ఉప్మా చాలా మంచి ఆహారం. ఇది తేలికగా ఉండే భోజనం కావడంతో ఉదయం తింటే శరీరానికి అవసరమైన శక్తి ఇస్తుంది. ఎక్కువసేపు ఆకలి వేయకుండా ఉంచి, బరువు నియంత్రణలో కూడా సహాయపడుతుంది. త్వరగా తయారయ్యే ఈ వంటకం బిజీగా ఉన్నవారికి మంచి ఎంపిక.
 |
| Printerest |
ముఖ్యంగా బరువు తగ్గాలని ప్రయత్నిస్తున్నవారికి కూడా ఇది ఎనర్జీ ఇస్తూ, ఎక్కువసేపు ఆకలి వేయకుండా ఉంచుతుంది. ఆఫీస్కు లేదా కాలేజీకి త్వరగా వెళ్లాల్సిన వారికి ఇది ఫాస్ట్ మరియు హెల్తీ ఆప్షన్.
ఇంకెందుకు ఆలస్యం? సూపర్ టేస్టీ అటుకుల ఉప్మా ఎలా తయారుచేయాలో చూద్దాం రండి.
అవసరమైన పదార్థాలు:
అటుకులు – 2 కప్పులు
వేరుశెనగలు – 1/2 కప్పు
ఉల్లిపాయ – 1 (సన్నగా తరిగినది)
పచ్చిమిర్చి – 2 (తరిగినవి)
కరివేపాకు – కొద్దిగా
ఆవాలు – 1/2 టీ స్పూన్
జీలకర్ర – 1/2 టీ స్పూన్
పసుపు – చిటికెడు
ఉప్పు – రుచికి సరిపడా
నూనె – 2 టీ స్పూన్లు
నిమ్మరసం – 1 టీ స్పూన్
కొత్తిమీర – కొద్దిగా (తరిగినది)
తయారీ విధానం:
ముందుగా అటుకులను ఒక గిన్నెలో వేసి నీటితో ఒకసారి కడగాలి. తర్వాత నీటిని వంపేసి 5 నిమిషాలు అలాగే ఉంచాలి. అటుకులు మృదువుగా కొంచెం మెత్తగా మారతాయి.
👉ReadAlso:మెత్తగా కరిగే రాగి ఇడ్లీలు – డయాబెటిస్ & వెయిట్ లాస్కు బెస్ట్ బ్రేక్ఫాస్ట్
ఒక కలాయిలో నూనె వేసి వేడి చేయాలి. అందులో ఆవాలు, జీలకర్ర వేయాలి. అవి చిటపటలాడిన తర్వాత కరివేపాకు, పచ్చిమిర్చి, ఉల్లిపాయ వేసి బాగా వేయించాలి.
ఉల్లిపాయలు బంగారు రంగులోకి మారిన తర్వాత పసుపు, ఉప్పు వేసి కలపాలి. తర్వాత వేరుశెనగలు వేసి కాసేపు వేయించాలి. ఆ తర్వాత నానబెట్టిన అటుకులు వేసి మెల్లగా కలపాలి. అటుకులు పగలకుండా జాగ్రత్తగా కలపాలి.
3–4 నిమిషాలు తక్కువ మంటపై ఉంచి, చివరగా నిమ్మరసం, కొత్తిమీర వేసి దించేసుకోవాలి. ఇంతే… సూపర్ టేస్టీ అటుకుల ఉప్మా తయారైంది!