ఇండియన్ ప్రీమియర్ లీగ్ 2026 (IPL 2026)కు ముందే చెన్నై సూపర్ కింగ్స్ అభిమానులకు భారీ ఆసక్తికర వార్త బయటకు వచ్చింది. లెజెండరీ కెప్టెన్ ఎంఎస్ ధోని ఈ సీజన్లో పూర్తిగా కొత్త బ్యాటింగ్ స్థానంలో కనిపించనున్నాడని టీమిండియా మాజీ స్పిన్నర్ రవిచంద్రన్ అశ్విన్ వెల్లడించాడు. ఇది కేవలం ఊహాగానాలు కాదు, ఇప్పటికే ధోని ఆ కొత్త పాత్రకు అనుగుణంగా బ్యాటింగ్ ప్రాక్టీస్ కూడా మొదలుపెట్టాడని అశ్విన్ స్పష్టంగా చెప్పాడు.
రిటైర్మెంట్ అనంతరం పూర్తిస్థాయిలో క్రికెట్ విశ్లేషకుడిగా మారిన టీమిండియా మాజీ దిగ్గజం రవిచంద్రన్ అశ్విన్ మరోసారి హాట్ టాపిక్ను తెరపైకి తెచ్చాడు. రాబోయే ఐపీఎల్ 2026 సీజన్లో చెన్నై సూపర్ కింగ్స్ లెజెండ్ ఎంఎస్ ధోని (MS Dhoni) పూర్తిగా కొత్త బ్యాటింగ్ స్థానంలో ఆడనున్నాడని ఆయన వెల్లడించాడు. ఈ వ్యాఖ్యలు ఇప్పుడు క్రికెట్ వర్గాల్లోనే కాదు, అభిమానుల్లోనూ పెద్ద చర్చకు దారి తీస్తున్నాయి.
ప్రత్యేకంగా గమనించాల్సిన విషయం ఏమిటంటే… జార్ఖండ్ క్రికెట్ స్టేట్ అసోసియేషన్ మైదానంలో ధోని నెట్స్లో ఐపీఎల్ 2026 కోసం మళ్లీ బ్యాటింగ్ ప్రాక్టీస్ను ప్రారంభించిన కొద్ది రోజులకే అశ్విన్ ఈ కీలక అప్డేట్ ఇవ్వడం. దీంతో ధోని ఇప్పటికే తన కొత్త పాత్రకు సిద్ధమవుతున్నాడన్న సంకేతాలు స్పష్టంగా కనిపిస్తున్నాయి. నెట్స్లో ధోని దూకుడైన షాట్లతో పాటు, మిడిల్ ఓవర్లకు తగ్గట్లుగా బ్యాటింగ్పై ఎక్కువగా దృష్టి పెట్టినట్లు సమాచారం.
ఇప్పటి వరకు ఎక్కువగా ఫినిషర్గా, చివరి ఓవర్లలో మాత్రమే బ్యాటింగ్కు దిగిన ధోని… ఈసారి జట్టు అవసరాన్ని బట్టి ముందే క్రీజ్లోకి వచ్చే అవకాశం ఉందని అశ్విన్ సూచించాడు. అలా జరిగితే సీఎస్కే బ్యాటింగ్ లైనప్ మరింత బలపడడమే కాకుండా, ప్రత్యర్థి బౌలర్లపై భారీ ఒత్తిడి పడుతుందని విశ్లేషకులు అభిప్రాయపడుతున్నారు.