పెరుగుతో క్రీమీ బీరకాయ కర్రీ: ఇంట్లో సులభంగా తయారు చేసుకోగల రిసిపీ
తెలుగు రాష్ట్రాల్లో వంటగదుల్లో బీరకాయను ఉపయోగించి ఎన్నో రకాల వంటకాలు చేయడం ఒక సాంప్రదాయం. కూర, బజ్జీ, పచ్చడి… ప్రతి ఒక్కదానికి ప్రత్యేకమైన రుచి, వాసన ఉంటాయి. రోజూ చేసే సాధారణ బీరకాయ కూరకు కొద్దిగా బోర్ అయినా ఈసారి కొంచెం కొత్తగా, రుచిలో ప్రత్యేకంగా ఉండే పెరుగు బీరకాయ కర్రీని ట్రై చేయండి.
మనం ప్రతిరోజూ తినే కూరలను మాత్రమే తినక, కొంచెం వేరుగా, రుచిలో కొత్తగా అనిపించేలా తయారుచేసుకోవడం వంటకాల మజా ఇస్తుంది. ఇప్పుడు మీ వంటగదిలో ఈ పెరుగు బీరకాయ కర్రీను చేసి, ఇంటి సభ్యుల రుచిbuds ని మరింత మురిపెరపండి!
అంతే కాదు, బీరకాయ కేవలం రుచికరమైన కూరగాయనే కాదు, పోషకాలతో కూడిన అద్భుతమైన ఆహార పదార్థం. దీని మృదువైన రుచి మాత్రమే కాక, శరీరానికి చల్లదనం, హైడ్రేషన్ను అందించే గుణాలు కూడా ఉన్నాయి. నీటి శాతం ఎక్కువగా ఉండటం వలన బీరకాయ వేసవికాలంలో ప్రత్యేకంగా శరీరానికి ఉపశమనాన్ని ఇస్తుంది. అలాగే, ఇందులో ఉండే ఫైబర్ జీర్ణక్రియను మెరుగుపరుస్తుంది, బెల్లీ ప్రాబ్లెమ్స్ను నివారిస్తుంది మరియు మలబద్ధకాన్ని తగ్గించడంలో సహాయపడుతుంది.
పెరుగు బీరకాయ కర్రీ కోసం కావాల్సిన పదార్థాలు
- బీరకాయలు - 300 గ్రాములు
- నూనె - 3 టేబుల్ స్పూన్లు
- ఆవాలు - ½ టీ స్పూన్
- జీలకర్ర - ½ టీ స్పూన్
- శనగపప్పు - 1 టీ స్పూన్
- మినపప్పు - 1 టీ స్పూన్
- ఉల్లిపాయ - 1 (సన్నగా తరిగినది)
- అల్లం వెల్లుల్లి పేస్ట్ - 1 టీ స్పూన్
- కరివేపాకు - కొద్దిగా
- పసుపు - ¼ టీ స్పూన్
- కారం - 2 టీ స్పూన్లు (రుచికి తగ్గట్టు)
- ధనియాల పొడి - 1 టీ స్పూన్
- పెరుగు - ¾ కప్పు
- నీళ్లు - ¾ కప్పు
- ఉప్పు - అవసరానికి
- కొత్తిమీర - గార్నిష్ కోసం
ముందుగా బీరకాయలను శుభ్రంగా కడిగి, పొట్టు తీసి చిన్న ముక్కలుగా కట్ చేసుకోవాలి. ఉల్లిపాయను కూడా సన్నగా తరిగి సిద్ధంగా ఉంచాలి. పెరుగును ముందుగానే కొద్దిగా బాగా కలిపి ఉంచితే కూరలో చిట్లిపోకుండా ఉంటుంది.
తయారీ విధానం
- స్టవ్ మీద కళాయి పెట్టి 3 టేబుల్ స్పూన్ల నూనె వేయాలి. నూనె వేడయ్యాక ఆవాలు, జీలకర్ర వేసి చిటపటలాడనివ్వాలి.
- తర్వాత శనగపప్పు, మినపప్పు వేసి లేత గోధుమ రంగు వచ్చే వరకు వేయించాలి.
- ఇప్పుడు సన్నగా తరిగిన ఉల్లిపాయలు, అల్లం వెల్లుల్లి పేస్ట్, కరివేపాకు వేసి పచ్చి వాసన పోయే వరకు వేపుకోవాలి. అనంతరం పసుపు వేసి బాగా కలపాలి.
- కట్ చేసిన బీరకాయ ముక్కలను వేసి హై ఫ్లేమ్లో 2 నిమిషాలు వేయించాలి. తరువాత మూత పెట్టి మీడియం ఫ్లేమ్లో మరో 2 నిమిషాలు మగ్గనివ్వాలి. దీంతో బీరకాయలోని నీరు విడుదలై కూర సాఫ్ట్గా అవుతుంది.
- బీరకాయ ముక్కలు కాస్త మెత్తగా అయిన తర్వాత ఉప్పు, కారం, ధనియాల పొడి వేసి బాగా కలపాలి.
- మంటను సిమ్లోకి తీసుకెళ్లి, పెరుగు మరియు నీళ్లు పోసి మెల్లగా కలపాలి. పెరుగు చిట్లిపోకుండా మంట తక్కువగా ఉంచడం ముఖ్యం.
- మధ్యమధ్యలో కలుపుతూ సుమారు 7 నిమిషాలు ఉడికించాలి.
- బీరకాయ పూర్తిగా మెత్తబడిన తర్వాత జీడిపప్పు, కొత్తిమీరతో గార్నిష్ చేసి స్టవ్ ఆఫ్ చేయాలి.
ఇలాగే మీ ఇంట్లో సులభంగా, రుచికరంగా పెరుగు బీరకాయ కర్రీ తయారు చేసుకోవచ్చు. పిల్లల నుంచి పెద్దల వరకు అందరికీ నచ్చే వంటకం!