న్యూజిలాండ్తో జరిగిన వన్డే సిరీస్లో టీం ఇండియా మరోసారి తీవ్ర నిరాశను ఎదుర్కొంది. మూడు మ్యాచ్ల ఈ సిరీస్ను భారత్ 1-2 తేడాతో కోల్పోయింది.
ముఖ్యంగా గౌతమ్ గంభీర్ శిక్షణలో ఉన్న జట్టుకు ఇది పెద్ద ఎదురుదెబ్బగా మారింది. ఎందుకంటే ఇదే న్యూజిలాండ్ జట్టు గతంలో భారత గడ్డపై జరిగిన టెస్ట్ సిరీస్లో కూడా టీం ఇండియాను 3-0 తేడాతో క్లీన్ స్వీప్ చేసింది. ఇప్పుడు వన్డే ఫార్మాట్లోనూ తొలి సిరీస్ను గెలుచుకుని భారత్పై తన ఆధిపత్యాన్ని కొనసాగించింది.
ఈ ఓటమి కేవలం సిరీస్ పరాజయంగానే కాకుండా, టీం ఇండియా భవిష్యత్తుపై కూడా అనేక ప్రశ్నలు లేవనెత్తుతోంది. బ్యాటింగ్, బౌలింగ్ రెండింటిలోనూ జట్టు సమన్వయం లోపించినట్లు స్పష్టంగా కనిపించింది. కీలక మ్యాచ్లలో అనుభవజ్ఞులైన ఆటగాళ్లు ఆశించిన స్థాయిలో రాణించలేకపోయారు. ముఖ్యంగా మిడిల్ ఆర్డర్ వైఫల్యం, ఆల్రౌండర్ల అస్థిర ప్రదర్శన జట్టును తీవ్రంగా ఇబ్బంది పెట్టింది.
ravindra jadeja retirement
ఈ సిరీస్ తర్వాత టీం ఇండియా ఆల్రౌండర్లలో ఒకరి అంతర్జాతీయ కెరీర్ దాదాపు ముగిసినట్టే కనిపిస్తోంది. అవకాశాలు వచ్చినప్పటికీ ప్రభావవంతమైన ప్రదర్శన ఇవ్వలేకపోవడం, జట్టు కాంబినేషన్లో తన స్థానాన్ని నిలబెట్టుకోలేకపోవడం ఇందుకు ప్రధాన కారణాలుగా మారాయి.
న్యూజిలాండ్తో జరిగిన వన్డే సిరీస్లో భారత్ ఓటమి చెందింది, అదే సమయంలో జడేజా ఫామ్ గురించి ప్రశ్నలు పెరిగాయి. ఈ సిరీస్లో బ్యాటింగ్, బౌలింగ్ రెండింటిలోనూ అతను ఆశించిన స్థాయిలో రాణించలేకపోయాడు. దీంతో జట్టు ఫలితంపై అతని పనితీరు విమర్శలకు గురయింది.
ఇప్పటికే టీ20ల్లో జడేజా జట్టుకు వీడ్కోలు పలికిన విషయం తెలిసిందే. ఇప్పుడు వన్డేల్లో కూడా అతని భవిష్యత్తు గురించి అనుమానాలు వస్తున్నాయి. యువ ఆటగాళ్లు జట్టులో మంచి ప్రదర్శన చూపించడంతో, జడేజా స్థానం సురక్షితమా అనే చర్చ జరుగుతోంది.
.jpeg)