మిర్పూర్ వేదికగా బంగ్లాదేశ్తో జరుగుతున్న రెండో టెస్టులో ఆస్ట్రేలియా స్టార్ పేసర్ మిచెల్ స్టార్క్ అదరగొట్టాడు. తన పదునైన బౌలింగ్తో బంగ్లాదేశ్ బ్యాటర్లను తీవ్రంగా ఇబ్బంది పెట్టాడు. వరుస వికెట్లు తీస్తూ ఆ జట్టు బ్యాటింగ్ లైనప్ను కుప్పకూల్చాడు. స్టార్క్ బౌలింగ్ను ఎదుర్కొనేందుకు బంగ్లాదేశ్ బ్యాటర్లు ఇబ్బందులు పడ్డారు.బంగ్లాదేశ్ నాలుగురిని సున్న పరుగులకె ఔట్ చెసి తన బౌలింగ్ను ఎదుర్కొవడం చాల కష్టం అని నిరుపించాడు కేవలం 12 పరుగులే ఇచ్చి 6 వికెట్లు పడగొట్టాడు. అతడు వేసిన 10 ఓవర్లలో 6 ఓవర్లు మెయిడెన్ కావడం విశేషం. ఈ సూపర్ ప్రదర్శనతో మిచెల్ స్టార్క్ పలు రికార్డులను తన ఖాతాలో వేసుకుంటున్నాడు. మెకే టెస్టులో ఇప్పటి వరకు 8 వికెట్లు సాధించిన స్టార్క్.. ప్రపంచ టెస్ట్ ఛాంపియన్షిప్ (WTC) చరిత్రలోనే అత్యధిక వికెట్లు తీసిన బౌలర్గా రికార్డు సృష్టించాడు.
ఇప్పటివరకు 56 టెస్టు మ్యాచ్లు ఆడిన స్టార్క్ 230 వికెట్లు పడగొట్టాడు. బంగ్లాదేశ్తో జరుగుతున్న మ్యాచ్లో మరో ఆస్ట్రేలియా పేసర్, కెప్టెన్ ప్యాట్ కమిన్స్ మూడు వికెట్లు తీసుకోవడంతో అతని ఖాతాలో 225 వికెట్లు చేరాయి. దీంతో నాథన్ లయోన్తో కలిసి కమిన్స్ సంయుక్తంగా రెండో స్థానంలో నిలిచాడు.
🏏 WTC వికెట్ల కింగ్స్
ప్రపంచ టెస్ట్ ఛాంపియన్షిప్ చరిత్రలో అత్యధిక వికెట్లు
| ర్యాంక్ | బౌలర్ | వికెట్లు |
|---|---|---|
| 🥇 |
మిచెల్ స్టార్క్
🇦🇺 ఆస్ట్రేలియా
|
230 |
| 🥈 |
ప్యాట్ కమిన్స్
🇦🇺 ఆస్ట్రేలియా
|
225 |
| 🥈 |
నాథన్ లియోన్
🇦🇺 ఆస్ట్రేలియా
|
225 |
| 4 |
రవిచంద్రన్ అశ్విన్
🇮🇳 భారత్
|
195 |
| 5 |
జస్ప్రీత్ బుమ్రా
🇮🇳 భారత్
|
185 |
ఇక ప్రస్తుత 2025-27 డబ్ల్యూటీసీ సైకిల్లో స్టార్క్ వికెట్ల వేట కొనసాగుతోంది. ఈ సైకిల్లో ఇప్పటివరకు 10 మ్యాచ్లు ఆడిన అతను 17.51 బౌలింగ్ సగటుతో 54 వికెట్లు సాధించాడు. ఇందులో నాలుగు సార్లు ఐదు వికెట్ల ఘనత సాధించడం అతని స్థాయిని చూపిస్తోంది. స్టార్క్ ప్రస్తుతం ఈ సైకిల్లో అత్యధిక వికెట్లు తీసిన బౌలర్గా కొనసాగుతున్నాడు. ఇంగ్లండ్ పేసర్ జోష్ టంగ్ 53 వికెట్లతో అతని తర్వాతి స్థానంలో ఉన్నాడు.